May mga LGUs sa western visayas nga ma-apelar nga ipa-idalom sa general community quarantine –Regional IATF
By: JoMaque | May 13, 2020
Iloilo City — May mga Local Government Units (LGUs) sa Western Visayas nga luyag magpa-paidalom sa General Community Quarantine bangud sa pamahog sang COVID-19.
Ini ang ginkumpirmar ni Regional Inter-Agency Task Force on COVID-19 spokesperson Atty. Roy Villa sang gin-classify sang National Inter-Agency Task Force ang Western Visayas nga isa sa mga low risk areas sugod sa Mayo 16.
Nagpamalibad si Villa nga pangalanan ang mga LGUs bangud masapol pa ang mga gobernador sa rehiyon bwas, Mayo 13, agud istoryahan kun ano ang ila apelasyon.
Ginpahayag ni Villa nga luyag sang mga LGUs nga ipabilin ang mga measures agud mapunggan ang paglapta sang COVID-19.
Ginpasiguro man niya nga nakahanda ang Regional Task Force nga ipadala sa National IATF ang request sang mga LGUs.
Bwas ang ginhatag nga deadline sang National IATF sa mga LGUs agud isumiter ang ila apelasyon.