Mga areas nga una gin-classify sang IATG nga low-risk sa COVID-19, ipa-idalum sa GCQ -SILG
By: Aine Grace Bravo | via RTVM
MANILA, May 13, 2020 — Wala na sang area sa Pilipinas nga “wala” napaidalum sa community quarantine.
Ini ang gin-anunsiyar nanday DILG Secretary Eduardo Año kag Presidential Spokesperson Harry Roque sa press briefing subong nga udto.
Suno kay Año, madamo ang nag-requests nga mga Local Chief Executives sa mga areas nga gin-classify bilang low-risk sa COVID-19 nga ibalik anay sila sa general community quarantine bangud nga indi pa sila handa.
Kahapon, walo ka mga rehiyon, pati ang BARMM, nga ginabug-usan sang 37 ka probinsiya kag 11 ka siyudad upod ang mga highly urbanized cities kag independent component cities ang gin-classify bilang low-risk kag indi na pag-ipaidalum sa anuman nga community quarantine.
Ginhatagan sang tubtob subong nga adlaw ang mga Local Government Units agud mag-appeal sang ila classification.
Pero bangud sang requests sang mga LCEs, may ginhimo nga amendment sa IATF Resolution Number 35.
Ginpahayag ni Año nga may ipagguwa nga guidelines pagkatapos sang meeting sang IATF subong nga adlaw para sa mga areas nga ipaidalum sa modified GCQ.