By: JoMaque | May 14, 2020

Negros Occidental– Nagpositibo sa COVID-19 ang duha ka mga Overseas Filipino Workers sa Negros Occidental nga una nagnegatibo sa RT-PCR test.

Si WV98, 35-anyos nga lalaki nga taga Valladolid samtang taga Bago City naman ang 27-anyos nga lalaki nga gin-classify si WV99.

Sa una nga report sang DOH6, taga Bacolod City si WV99 apang ginklaro nila nga taga Bago City siya.

Suno kay Dr. Ma. Sophia Pulmones sang DOH6, lunsay asymptomatic kag naka facility quarantine kanday WV98 kag WV99. Estable man ang ila kondisyon.

Lakip sila sa mga OFWs nga ginbyahe halin sa Manila kag naka-abot sa Bacolod City sang April 28.

Halin sa Manila, gin-subject na sila sa RT PCR test kag negatibo ang resulta apang liwat sila nga gin-subject sa amo nga test pag-abot sa rehiyon.

Mayo 2 sang ginswab sila kag negatibo ang resulta sang Mayo 4.

Liwat naman sila nga gin-swab sang Mayo 11 bangud sang exposure sa confirmed case suno kay Dr. Pulmones.

Marso 13 naguwa ang resulta kag nadiskubrehan nga positibo sila sa COVID-19.

Ginatinguhaan pa sang Aksyon Radyo Iloilo nga makuhaan sang dugang nga pahayag ang DOH6 natuhoy sini.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply