By: JoMaque | May 14, 2020

Iloilo City — Mapaguwa si Iloilo Gov. Arthur Defensor, Jr. sang executive order sa Biernes, Mayo 15, sa pagpa-idalum sa probinsya sa modified general community quarantine (GCQ) sugod Mayo 16.

Gin-abi-abi sang gobernador ang pinaka-ulihi nga pahayag sang national government nga ibutang sa modified GCQ ang mga lugar nga una na gin-classify nga low-risk areas base sa IATF Resolution No. 35.

Sa IATF resolution nga gin-isyu sang Martes, Mayo 12, gin-classify ang Iloilo Province kag bilog nga Western Visayas nga low-risk sa COVID-19.

Sa subong, nagapabilin sa Enhanced Community Quarantine ang Iloilo kag magatapos ini sa Mayo 15.

Ginpahayag ni Defensor nga sa iya meeting sa mga mayors sang probinsya kaina sang aga, luyag nila ang amat-amat nga transition halin sa ECQ pakadto sa GCQ.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply