By: JoMaque | May 14, 2020

Iloilo — Liwat nga magasapol ang Northern Iloilo Alliance of Development (NIAD) nga ginabug-usan sang mga mayors sa 5th District sang Iloilo agud i-assess ang mga tikang sa pagtapos sang Enhanced Community Quarantine sa Mayo 15.

Suno kay Concepcion Mayor Raul Banias, nadesisyunan na kuntani nila sa meeting kahapon, Mayo 12, nga dulaon ang Quinto Total Sunday Quarantine kasunod man sang pag-classify sang national IATF nga low-risk sa COVID-19 ang Western Visayas.

Pero gin-anunsyar naman kaina nanday Presidential Spokesperson Harry Roque, Jr. kag DILG Secretary Eduardo Año nga ipa-idalum sa modified General Community Quarantine ang mga lugar nga una na gin-classify nga low-risk.

Masapol buwas ang mga mayors sa 5th District, suno kay Banias, agud istoryahan ang ila masunod nga tikang.

Ang sigurado suno kay Banias, hugot gihapon nga ipatuman social distancing, pagsuksok sang face mask, pagpanghugas sang kamot kag istrikto nga border control.

Ang 5th District lang sa probinsya ang distrito nga wala sang na-record nga COVID-19 cases.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply