By: JoMaque | May 15, 2020

Dingle, Iloilo– Utod ang tu-o nga kamot ni Barangay Kagawad Melchor Fresnillo, 52-anyos sang Barangay Libo-o Dingle sang ginlabu sang espading sang manugtapas sang tubo las 8:45 kagab-i.

Suno kay Capt. Fernando Punzalan Jr., hepe sang Dingle Police Station, nagsugat-anay pa ang kagawad kag si Hardy Gaboy, 43-anyos nga pareho nga nagapanimaho sang makahulubog ilimnon antes ang insidente. Nagbaisay ang duha rason nga nagpauli ang kagawad.

Ginkadtuan ni Kagawad Fresnillo sa Gaboy sa iya nga balay kag ginhangkat sang inaway. Ginbuno ni Fresnillo si Gaboy kag naigo sa kamot.

Nagbalos naman si Gaboy kag ginlabo ang kagawad sa kamot kag sa iban pa nga parte sang iya lawas.

Gindala sa WVSUMC ang kagawad samtang detained naman sa Dingle Police Station si Gaboy.

Base sa imbestigasyon sang pulis, pareho nga may kalain sang buot sa isa kag isa si Fresnillo kag si Gaboy.

Ginapreparar na ang kaso nga Frustrated Homicide batuk kay Gaboy.

Na-recover ang duha ka mga espading sa lugar.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply