By: JoMaque | May 16, 2020

Iloilo- Preparado na ang mga buses sang Vallacar Transit, Inc. -Iloilo Branch sa pagbiyahe sa Lunes, Mayo 18.

Una na gin anunsyar ni Janice Original, Admin Officer sang VTI, Iloilo Branch, sundon nila ang guidelines sang Land Transportation Franchising and Regulatory Board (LTFRB) sa General Community Quarantine nga 50% lang sang mga units ang makabiyahe.

Dugang ni Original, ginahulat man nila kun ano nga mga ruta ang isyuhan sang special permit sang LTFRB.

Instriktuhon suno sa iya ang pagpasakay sa mga pasahero. Antes pasakaun sa bus, dapat ang pasahero ang: ipa-idalum sa thermal scanner, nakapanghugas sang kamot kag nakatapak sa footbath sa waiting area.

Markahan naman sang X ang mga pulungkuan nga indi pwede mapungku-an bilang pag-obserbar sang physical distancing.

May temporary fare adjustment nga gin-aprubahan ang LTFRB nga P11 sa una nga lima (5) ka kilometro kag P1.85 sa masunod nga mga kilometro sa non-aircon units; kag P13 sa una nga lima (5) ka kilometro kag P2.20 sa masunod nga mga kilometro sa aircon units.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply