By: JoMaque | May 17, 2020

Iloilo City — Nagpositibo sa COVID-19 ang crew sang fishing vessel nga nagdungka sa syudad sang Mayo 11.

Suno kay Dr. Ma. Sophia Pulmones sang Department of Health6, Mayo 10 sang naghalin sa Navotas City ang fishing vessel.

Sang nagdungka sa syudad, nagpahibalo sa Philippine Coast Guard-Iloilo ang crew sang fishing vessel nga may upod sila nga may hilanat kag naga-ubo.

Mayo 12 sang gindala sa ospital ang 38-anyos nga lalaki nga taga Hinigaran, Negros Occidental.

Gin-subject siya sa RT PCR test kag nadiskubrehan nga positibo sa COVID-19.

Siya ang gin-classify kay WV102 sa report sang DOH6 kahapon, Mayo 15.

Ginkuhaan na sang specimen ang 17 ka iban pa nga crew members para sa RT PCR test

‘Naka-lockdown’ sa ila fishing vessel ang 17 ka iban pa nga crew para sa quarantine.

Limitado ang impormasyon ni Dr. Pulmones kun sa diin nahamtang sa subong ang fishing vessel kag kun nakakadto sila sa Iloilo Fishing Port ang mga crew.

Sa 18 tanan ka mga crew, apat sa ila ang taga Iloilo City, isa ang taga Negros Occidental, kag tumandok sa iban nga rehiyon ang iban pa.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply