Iloilo City Mayor Jerry Treñas, gin-amendahan ang Executive Order 75 series of 2020 nga nagahatag sang guidelines sa pagpaidalum sa Iloilo City sa GCQ

By: JoMaque | May 17, 2020

Iloilo City—Gindula ni Iloilo City Mayor Jerry Treñas ang liquor ban sa syudad pero ginlimitahan ang kadamuon sang botelya nga pwede ibaligya, depende sa alcohol content sang ilimnon, kag ginadumilian ang pag-inom sa pampubliko nga mga lugar.

Ginpasugtan naman ang angkas sa motorsiklo para sa magpamilya ilabe na kun frontliner kag nagatrabaho sa ospital.

Pero wala sang mahimo ang alkalde kun mag-operate ang LTO kag magpatuman sang ila circular nga nagdumili sang angkas.

Indi naman kinahanglan sang taga-syudad ang quarantine pass kun magkadto sa Iloilo province, kundi kinahanglan lang magpakita sang ID nga may proof of residence sa syudad.

Wala na sang quarantine pass para sa mga residente sang syudad dugang sang alkalde.