Biyahe sang mga motorbanca halin Iloilo pa-Guimaras kag vice versa, temporaryo nga ginpauntat ni Iloilo City Mayor Jerry Treñas

By: JoMaque | May 19, 2020

Iloilo City – Temporaryo nga ginpauntat ang biyahe (until further notice) sang mga motorbanca halin Iloilo pa-Guimaras kag vice versa bangud nakita nga wala sang physical distancing ang mga pasahero nga matabok sa Guimaras kahapon, Mayo 18.

Ini ang pahayag ni Iloilo City Mayor Jerry Treñas samtang ginaplastar pa ang protocols agud wala na sang may mareklamo.

Epektibu subong, Mayo 19 ang mandu sang alkalde.

Ginhambalan na ni Treñas si PSTMO Head Jeck Conlu nga pahibaluon ang Philippine Coast Guard natuhoy diri.

Indi naman apektado sang mandu ni Mayor Treñas ang biyahe sang mga RoRo vessels.