By: JoMaque | May 18, 2020

Guimaras — Liwat nga siraduhan ang borders sang Guimaras kun padayon nga magginutok kag wala nagasunod sa physical distancing ang mga pasahero nga matabok sa Guimaras.

Ini ang paandam ni Guimaras Vice Governor John Edward Gando sang nakita ang post sang Aksyon Radyo Iloilo nga wala nagasunod sa physical distancing ang mga pasahero sa Parola Wharf subong nga hapon.

Suno kay Gando, indi sila magkangilin nga ibalik sa Modified Level 2 ang ila response kun padayon nga makompromiso ang ginapatuman nga health protocols pareho sang physical distancing.

Kon ibalik sa Modified Level 2, indi makatabok ang indi taga-Guimaras magluwas lang ang mga exempted kag may importante nga pagahimuon sa isla kag ipaidalom naman sa 14 ka adlaw nga quarantine ang Guimarasnon nga mapauli sa probinsiya. Dugang pa sang bise gobernador nga kun padayon nga wala nagasunod sa physical distancing ang mga pasahero kaina, diutayan lang nga ipauntat ang byahe sang mga motorbanca

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply