By: JoMaque | May 19, 2020

Iloilo City — Istrikto nga ipatuman sang City Government ang protocols sa General Community Quarantine agud masiguro nga indi maglapta ang COVID-19.

Nag-assign ang syudad sang compliance officers agud masiguro nga ginasunod ang protocols pareho sang pagsuksok sang face mask, pag-practice sang social distancing kag paggamit sang alcohol/sanitizer.

Suno kay Iloilo City Mayor Jerry Treñas, gin-brief kaina ang mga compliance officers sang ila obligasyon, kag posible nga makasugod na sila sa paglibot sa syudad buwas.

Nagpa-andam si Treñas nga pagkatapos sang isa ka semana, multahan na ang madakpan nga wala nagasunod sa social distancing kag pagsuksok sang face mask.

P500 kada tawo ang multa sa wala nagasunod sa social distancing kag pasiraduhan ang establisemento nga wala sini nagapatuman.

P500 man ang multa kada tawo sa wala nagasuksok sang face mask sa guwa sang balay.

Ginpahanumdom sang alkalde ang pumuluyo nga sundon ang proper protocol bangud wala pa nadula ang COVID-19.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply