By: JoMaque | May 18, 2020

Antique – Patay ang 27-anyos nga lalaki sang nalumos sa Barangay Alojipan, Culasi, Antique.

Ginkilala ang napatay kay John Vincent Filaro samtang nakaluwas ang iya anum (6) ka tuig nga bata.

Base sa imbestigasyon sang Culasi police, nagapangisda sa suba ang mag-amay sang Sabado, Mayo 16, sang gin-anod sang mabaskog nga tubig.

Naluwas ang bata samtang kaina sang aga, Mayo 17, lang nakit-an ang bangkay sang amay paagi sa bulig sang mga responders sang Municipal Disaster Risk Reduction and Management Office (MDRRMO) sang Culasi kag mga residente sa lugar.

Nakit-an ang bangkay sa suba nga sakop sang Barangay Valderrama.

Maayo naman ang kahimtangan sang bata.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply