By: JoMaque | May 18, 2020

Iloilo City–Ginkumpirmar ni Iloilo City Alliance of Jeepney Operators and Drivers Association (ICLAJODA) President Raymundo Parcon nga wala pa nakasugod biyahe ang mga daan nga jeep subong nga adlaw, Mayo 18.

Ini bisan pa sang una nga mga impormasyon nga makabiyahe na subong nga adlaw ang mga de-pasahero nga jeep makaligad man ginpaidalum sa General Community Quarantine ang siyudad kag probinsiya sang Iloilo.

Ginpahayag ni Parcon nga wala nahingagaw sang mga tag-iya sang daan nga jeep ang pagpasa sang requirements sa LTFRB agud mahatagan sila sang special permit antes makabiyahe.

Wala suno sa iya nakumpleto sang mga operators ang requirements bangud indi man sila makadali-dali guwa sang ginpatuman pa ang Enhanced CQ.

Handa naman kuntani suno sa iya ang mga units para magbiyahe.

Kun mahingagaw ang mga permits, basi suno sa iya makabiyahe sila sugod buwas, Mayo 19.

Samtang, nagabiyahe naman ang 28 ka units sang mga modernized jeepneys sa masunod nga mga ruta:

*ITGSI tubtob Fort San Pedro via Jaro CPU kag vice versa
*ITGSI tubtob city proper kag vice versa
*Villa tubtob city proper kag vice versa

Bangud sa kakulang sang mga jeep nga nagabiyahe, nagpugok naman ang mga pasahero sa mga terminal.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply