By: JoMaque | May 19, 2020

Iloilo City – Maabot sa Iloilo buwas sa aga ang 110 ka Ilonggos nga na-stranded sa Palawan bangud sa Enhanced Community Quarantine.

Suno kay Provincial Tourism Officer Gilbert ‘Bombit’ Marin, sakay sa barko sang Montenegro Shipping Lines ang una nga batch sang mga Ilonggos halin sa Palawan kag ginpasugtan nga makapauli matapos ginpa-idalum ang Iloilo sa General Community Quarantine.

Naka-coordinate na si Marin sa tourism officer sang kada local government unit sa probinsya agud magsugat sang ila constituent pagdungka sang barko sa Lapuz Wharf las-otso buwas sa aga.

Iga-diretso ang mga maabot sa ila tagsa ka banwa kag ipa-idalum sa 14-day quarantine. Ang LGU na suno kay Marin ang ma-monitor sa status sang mga mapauli tubtob matapos ang ila quarantine period.

Nauna na nga nakapauli ang masobra 50 ka taga-Iloilo nga na-stranded sa Boracay. Ginalauman ni Marin nga madamo pa nga local strandees sa Palawan, Metro Manila, Cebu kag iban nga lugar nga nagpangayo sang bulig sa Provincial Government ang makapauli

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply