By: JoMaque | May 20, 2020

Iloilo — Daku ang epekto sang ginapatuman nga community quarantine bangud sa COVID-19 agud magbusong ang mga babaye.

Ini ang pahayag ni Population Commission (POPCOM) 6 Director Harold Marshall sa nakaligad nga masobra duha ka bulan nga community quarantine.

Suno sa iya posible magbusong ang babaye kun wala sang ginagamit nga family planning method ukon nag-untat na sa paggamit sini.

Sa pagkamatuod suno sa iya, ginapanan-aw nila nga 50,000 ka mga babaye ang mabusong sa Pilipinas sa sulod sang duha ka bulan nga community quarantine kun wala naga-gamit sang family planning method. Wala na suno kay Marshall sang paaliwansan ang mag-asawa ilabe na kun naka-lockdown sila.

Sa Western Visayas, wala pa sang record ang POPCOM 6 sa mga nagbusong sa nakaligad nga duha ka bulan bangud wala pa nakapa-prenatal ang mga iloy.

Sa kabugusan nga 50,000 sa pungsod, duha (2) tubtob tatlo (3) porsyento lang suno sa iya ang posible nga magbusong sa Rehiyon 6.

Ginaduso man sang POPCOM nga ilakip sa pagpanagtag sang relief goods ang mga family planning commodity nga ginagamit sang kada iloy.

Lain subong suno sa iya ang prayoridad sang mga LGUs bangud sa krisis nga dala sang coronavirus disease ukon COVID-19 gani indi mahatagan pagtamod ang family planning.

Ginpahayag ni Marshall nga may record ang mga barangay health workers sa mga family planning method nga ginagamit sang kada iloy gani mahapos lang kun ilakip ini sa relief goods nga ipanagtag. | via Aksyon Reports Afternoon Edition

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply