By: JoMaque | May 20, 2020

Antique– Nakuhaan sang 21 boxes sang makahulubog nga ilimnon ang 43-anyos nga driver sa Barangay San Francisco, Anini-y 8:00 kaina sang aga.

Suno kay Lt. Richard Tobias, hepe sang Anini-y Police Station, halin sa Tigbauan kag tuyo nga mag-distribute kuntani sa Brgy. San Francisco sang makahulubog nga ilimnon ni Arlie David nga tumandok sang Barangay Balanac, Janiuay.

Ginkarga ni David ang mga makahulubog nga ilimnon sa Montero Sport.
Base sa EO No. 49 ni Antique Governor Rhodora Cadiao, ginadumilian sa gihapon ang pagbaligya, pagbakal, ukon pag-transport sang makahulubog nga ilimnon sa Antique bisan ginpaidalum na sa General Community Quarantine ang ila probinsya.

Ginatinguhaan pa sang Aksyon Radyo Iloilo nga makuhaan sang pahayag si David angut sini.
Suno kay Tobias, P700 tubtob P800 ang palusot nga pagbaligya sang long neck nga rhum sa ila banwa.
Ang Barangay San Francisco ang pinakauna nga barangay sa Anini-y halin sa Barangay Sinogbuhan, San Joaquin.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply