By: JoMaque | May 20, 2020

Iloilo City – Wala pa sang schedule ang pagbalik sang byahe sang mga motorbanca halin Iloilo pa-Guimaras kag vice versa.

Suno kay Iloilo City Mayor Jerry Treñas, ginadihon na sang City Government kag Guimaras Provincial Government ang protocols sa mga pantalan kag sa tiun nga mapaguwa ini, gilayon mabalik ang byahe.

Gina-preparar naman suno sa iya ang Ortiz Wharf para maka-akomodar liwat sang mga pasahero kag malikawan ang pagdinaguso sa Parola Wharf.

Samtang, gina-finalize na ang sistema sa paggawad sang ticket, pagsakay kag pagpanaug sang mga pasahero sa motorbanca.

Dapat suno sa alkalde nga mapatuman ang physical distancing kag naka-face mask ang mga pasahero. May i-deploy nga tinawo ang City Government agud masiguro nga ginatuman ang mga protocols.

Ginalauman naman nga makabalik byahe ang Yohan fast crafts agud magbulig cater sa mga pasahero.

Temporaryo nga ginpa-untat ni Mayor Treñas ang byahe sang nakita sa Facebook post ang pagginutok sang mga pasahero kag wala na-observe ang physical distancing sa Parola Wharf kahapon, Mayo 18. 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply