By: JoMaque | May 21, 2020

Iloilo City – Mahimo maka-operate ang mga ‘quarantine facilities’ nga gin-identify sang mga Local Government Units bisan wala pa na-certify sang Department of Health6.

Suno kay DOH6 Assistant Regional Director Dr. Ma. Julia Villanueva, mahimo maka-operate ang Temporary Treatment and Monitoring Facilities apang dapat sundon sang LGUs ang mga polisa sang DOH kag DILG natuhoy sini.

Base sa DILG Memo Circular No. 2020-064, kinahanglan mag-identify sang mga LGUs sang mga government facilities nga mahimo temporaryo nga ma-convert sa isolation kag quarantine facilities.

Ang ini nga special care facilities ang kinahanglan ‘enclosed’ kag ‘well ventilated’ kag may nagakaigo man nga comfort room kag iban pa nga kinahanglanon.

Mas maayo man kun nahamtang ini malayo sa populated areas apang accessibale sa mga health care workers.

Marso 29 gin-issue ang amo nga MC ni DILG Sec. Eduardo Año.

Base naman sa Joint Admin Order No. 2020-0001 sang DILG kag DOH, pagatawagon nga LISTAS COVID Center ang mga quarantine kag isoltation units.

Dapat separado naman ang LIGTAS COVID-19 facilities para sa mga contacts sang kumpirmado nga COVID-19 patients, suspect kag probable COVID-19 cases nga may mild nga sintomas, kag kumpirmado nga COVID019 cases nga may mild nga sintomas.

Gina-assess pa sang DOH6 ang gin-identify nga TTMF sang mga LGUs kag sa masunod nga semana pa makahimo sang rekomendasyon para ma-certify.

Kinahanglan ang pag-certify sang DOH6 sa TTMF para makapa-reimburse sa PhilHealth ang LGU sang ila nagastos.

Sa 205 TTMF sa rehiyon, 14 diri ang sa Aklan, 24 sa Antique,70 sa Capiz, 4 sa Guimaras, 39 sa Probinsya sang Iloilo, 44 sa Negros Occidental, 1 sa Bacolod City, kag 5 sa syudad sang Iloilo.

Kalabanan sa mga gin-identify nga mga TTMF sa rehiyon mga eskwelahan ukon evacuation center suno sa DOH6.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply