By: JoMaque | May 21, 2020

Nakabaton na sang P3,000 sa social pension halin sa Department of Social Welfare and Development ang 284,013 senior citizens sa Western Visayas.

Suno kay DSWD 6 spokesperson May Castillo, ang P3,000 nga nabaton sang senior citizens amo ang social pension sa first semester sang 2020 halin Enero tubtob Hunyo. Tag-P500 ang nabaton kada bulan.

P852 million na ang na-release sang DSWD nga pondo sa mga LGUs para sa social pension.

300,000 senior citizens sa rehiyon ang target nga mahatagan sang social pension, suno kay Castillo:

Aklan – 45, 826
Antique – 40, 440
Capiz – 54, 953
GuimAras – 14, 643
Iloilo City – 13, 190
Iloilo Province – 147, 444
Negros Occidental – 46, 699

Ang mga senior citizens nga kwalipikado sa social pension amo ang mga indigents kag wala sang nabaton nga iban nga pension pareho sang halin sa SSS.

Ginapanugyan ni Castillo sa mga senior citizens nga maghulat sa panugyan sang ila LGU para sa releasing sang social pension.

Ginarekomendar sang DSWD sa LGUs nga i-door-to-door ang pagpanghatag sang social pension para indi na magguwa ang mga senior citizens. l Via PM Reports

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply