By: JoMaque | May 21, 2020

Iloilo City — ‘Gin-restrict’ sa Police Regional Office 6 nga ang tatlo ka mga pulis nga nadakpan nag-transport sang makahulubog nga ilimnon bisan may liqor ban.

Suno kay Lt. Col. Gilbert Gorero, acting Spokesperson sa Police Regional Office 6, sugod sang Mayo 18, ginsaylo sa Kampo Delgado ang tatlo ka mga pulis.

Magluwas nga ‘restricted’, may disciplinary action man nga gin-imponer sa ila kasubong sang physical exercise kag pagpaninlo.

Ginhimo ang lihok samtang nagapadayo ang imbestigasyon sa posible kaso administratibo nga ipasaka batuk sa ila.

Una na nga ginpasakaan sang kaso kriminal kanday PSSgt Roy Panaguiton sang Sebaste Police Station, PCpl Arnie Luminario sang Iloilo City Police Office, kag PSSgt Paul Pingoy sang Regional Intelligence Division sa pagbyahe sang makahulubog nga ilimnon bisan may liquor ban.

I-restrict man sa Kampo Delgado kag paga-imponeran man sang disciplinary action si PSSgt. Jose Digcabo-on Jr nga gindakop kahapon(Mayo 20) sa Guimbal sa paglapas man sa liquor ban sa probinsya.

Indi si Digcabo-on ang driver sang shuttle van nga may karga nga 60 karton sang makahulubog nga ilimnon apang ginhambalan niya ang pulis sa checkpoint nga indi pagbuksan ang salakyan bangud iya sang ‘grupo’.

Na-assign si Digcabo-on sa Regional Personnel Holding and Accounting Unit sa PRO6.

Nanindugan si Gorero nga indi magpang-alang alang ang PRO6 sa pagpahalin sa serbisyo sa mga pulis nga nagahimo sang illegal nga aktibidad.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply