By: JoMaque | May 21, 2020

Naglab-ut na 12 cases ang gina-imbestigahan sang Criminal Investigation and Detection Group (CIDG) sa hatagay sang subsidy sang Social Amelioration Program sa Western Visayas.

Suno kay Lt.Gervacio Balmaceda, acting chief sang CIDG-6, sa 12 ka kaso nga ila gina-imbestigahan, isa na ang ila napasakaan sang kaso sang nagligad nga semana.

Kalabanan sa reklamo nga nabaton sang CIDG amo ang mga wala nadala sa listahan kag ang mga ginpahayag nga indi qualified pero nahatagan.

Gintugyan sang CIDG sa DSWD ang mga reklamo may kaangtanan sa wala nadala sa listahan kag iban pa nga reklamo nga wala sang mabakud nga ebidensya.

Posible suno kay Balmaceda nga madamo pa ang ila ma-imbestigaran sa masunod nga semana kun makahatag na ang DSWD sang dugang nga mga detalye sa mga reklamo.

Sa 12 cases nga gina-imbestigahan sang CIDG 6, duha (2) diri ang halin sa lloilo Province, pero wala na nagbalik sa ila opisina ang nagreklamo.

Dapat suno kay Balmaceda nga desidido ang nagareklamo agud nga mapadayon sang CIDG ang pag-file sang kaso. 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply