11 nadakpan lakip ang 2 barangay kapitan nga naga-inom sang makahulubog nga ilimnon sa Iloilo Terminal Market
By: JoMaque | May 22, 2020
Iloilo City — Nadakpan sang mga pulis ang 11 ka lalaki lakip ang duha ka barangay kapitan, nga naga-inom sang makahulubog nga ilimnon sa kapehan sa sulod sang Iloilo Terminal Market kahapon.
Ginkilala ang nagkaladakpan nga kanday Alain Ray Depatillo, Barangay Kapitan sa Rizal Pala Pala 1; Woody Delariarte, Barangay Kapitan sa Barangay Kauswagan, City Proper; Noel Capalla, anay Barangay Kapitan sang Barangay Cochero, Molo; Jose Alexis Rojo; Rigor Porras; Roel Villarimo; Melchor Manuel Blancaflor; Maria Paz Domingo, tag-iya sang kapehan; Rick Seguiter Jr.; Marki Bergantinos; kag Martie Matias.
Lakip sa 11 nga nagkaladakpan ang mga job hires.
Suno sa PMAJ Francisco Paguia, hepe sang Police Station 1, wala naga-obserbar sang physical distancing ang 11 sang ila nadakpan nga naga-inom.
Gin-release man ang nagkaladakpan matapos ginpahibalo sang ila violation.
Ginpanginwala sang duha ka barangay kapitan nga naga-inom sila kag ginrason nga nagapangape lang sila.
Base sa EO 75 ni Mayor Jerry TreƱas, ginadumilian ang pag-inom sang makahulubog nga ilimnon sa mga pampubliko nga lugar. | via Aksyon Dave Bucayan