By: Aine Grace Bravo

ILOILO CITY, May 22, 2020 — Duha ka bag-o nga kaso sang coronavirus disease (COVID-19) ang gin-report sang DOH 6 subong nga adlaw.

Bangud sini, 107 na ang total case sang COVID-19 sa Western Visayas.

Suno kay Dr. Ma. Julia Villanueva, Assistant Regional Director sang DOH 6, sa 313 ka laboratory results nga gin-release subong nga adlaw, duha (2) ang new positive, isa (1) ang repeat positive kag 310 ang negative.

Ang bag-o nga confirmed cases amo sanday:

WV 106: Taga-Lapuz, Iloilo City; naka-facility quarantine;
WV 107: Repatriated OFW nga taga-Jordan, Guimaras; naka-facility quarantine sa Iloilo City

Lunsay asymptomatic ang duha ka nagpositibo.

Ginpa-athag ni Dr. Villanueva nga si WV 106 ang jail officer sa BJMP 6. Indi pa madetalye ni Dr. Villanueva kun paano na-infect si WV 106 bangud ginahimo pa ang contact tracing.

Si WV 107 naman ang seafarer kag isa sa mga nag-abot sa Iloilo City sang Mayo 20.

Sa 107 cases, 73 ang naka-recover kag 10 ang napatay. | via DOH 6

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.