By: JoMaque | May 24, 2020

ILOILO CITY — Na-iguan sang one-strike policy ang immediate supervisors sang duha ka pulis nga nadakpan sa checkpoint sa Iloilo province sa pag-transport sang makahulubog nga ilimnon.

Ginkumpirmar ni Police Regional Office 6 acting spokesperson PLTCOL Gilbert Gorero nga gin-relieve sang Biernes, Mayo 22, sanday PCPT Victor Bacinilio nga head sang Regional Personnel Holding and Accounting Unit kag PLT George Caño nga leader sang 2nd Platoon sang 2nd Iloilo Provincial Mobile Force Company.

Si Bacinilio ang direct commander ni PSSg Jose Digcabo-on, Jr. nga nadakpan sa Nanga, Guimbal sang Mayo 20, samtang si Caño ang immediate supervisor ni PSSg Joe Marc Ebon nga nadakpan sa Velasco, Lemery sang Mayo 22.

Si PCPT Bacinilio ang ginsaylo sa Regional Headquarters Service Support Unit, samtang si Caño ang gin-assign sa PRO 6.

Suno kay Gorero, base sa mandu ni PRO 6 Director Brigadier General Rene Pamuspusan sang Lunes, iga-relieve gilayon ang supervisor sang pulis nga naghimo sang sala.

Gin-relieve man kanday Digcabo-on kag Ebon kag ginpa-report sa opisina sang PRO 6 Director.

Una na nga napasakaan sang kaso kriminal kag administratibo kanday PSSg Roy Panaguiton sang Sebaste Police Station nga nadakpan sa Pandan, Antique; PCPL Arnie Luminario sang Iloilo City Police Office nga nadakpan sa Aglalana, Passi City kag PSSg Paul Pingoy sang Regional Intelligence Division nga nadakpan sa Sta. Barbara. | via Aksyon Reports Morning Edition

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply