Lalaki, nabun-an patay sa Arevalo

By: JoMaque ? May 24, 2020

Patay si Jerry Abella sang nabun-an sa Yulo Drive, Arevalo kagab-i, Mayo 23.

Suno kay Police Staff Sergeant Jessy Jenpirola, imbestigador sang Arevalo Police station, may pilas sa liug kag lawas si Abella.

Duha ang suspek sa krimen suno kay Jenpirola nga sanday John Ivan Abalayan kag Jose Marie Abalayan.

Nadakpan si John Ivan kag preso na sa Arevalo Police Station samtang nakapalagyo naman si Jose Marie.

Ginpahayag pa sang pulis nga magpakaduha ang biktima kag mga suspek.

Away sang magpamilya ang ginasundan nga anggulo sa krimen.