By: JoMaque | May 24, 2020

ILOILO CITY – May exposure kay WV 100 ang isa pa ka nagatrabaho sa BJMP 6 nga nagpositibo sa COVID-19 base sa bulletin sang DOH 6 sang Mayo 22.

Suno kay BJMP 6 spokesperson Jail Supt. Gilbert Peremne, isa lang ka opisina sanday WV 106 kag WV 100.

Si WV 106 amo ang 25 anyos nga babaye nga taga-Lapuz, Iloilo City kag assign sa BJMP regional office 6. Kaupod siya sa mga personnel sang BJMP 6 nga gin-isolate sang Abril 25 sang una nga nagpositibo sa COVID-19 si WV 59, ang 31 anyos nga jail officer nga lalaki nga taga-Zarraga, Iloilo.

Sang Mayo 12, ginkuhaan sang swab ang mga na-isolate nga BJMP personnel sa diin nagpositibo si WV 100, ang 23 anyos nga jail officer nga lalaki nga taga-Banate, Iloilo. Negatibo naman ang resulta sang RT-PCR test ni WV 106.

Mayo 20, liwat nga ginkuhaan sang swab si WV 106 kag nagpositibo siya sa COVID-19 base sa gin-release nga laboratory results kahapon.

Sa tatlo ka BJMP, si WV 59 pa lang ang naka-recover.

Asymptomatic sanday WV 100 kag WV 106 kag naka-facility quarantine, suno kay Peremne.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply