COVID-19 cases sa Pilipinas, masobra na sa 14,000

By: JoMaque | May 25, 2020

Manila—Naglapaw na sa 14 ka libo ang COVID-19 cases sa bug-os nga pungsod.

Kasunod ini sang 258 nga nadugang kag gin-report sang Department of Health kahapon, May 24.

Sa amo nga numero, 195 ang naghalin sa NCR, 51 ang halin sa iban nga rehiyon kag 12 ang halin sa gin-repatriate.

Ang Pilipinas, may 14,035 na ka total cases sang COVID; 3,249 ka total recoveries kag 868 ka total deaths.