#FYI Pagbakal sang makahulubog nga ilimnon, wala na sang limit sugod subong, Mayo 25

By: JoMaque | May 25, 2020

Iloilo City — Wala na sang limitasyon ang pagbakal sang makahulubog nga ilimnon sa siyudad sang Iloilo sugod subong, Mayo 25.

Suno kay Mayor Jerry Treñas, napirmahan na niya ang Executive Order kag epektibo sa Mayo 25 ang pagkakas sang limitasyon sa pagbakal.

Ginpahayag sang alkalde nga makapagusto na sa pagbakal ang mga residente apang dapat gihapon nga in moderation lang.

Ginpahanumdom man sang alkalde nga ginadumilian gihapon ang pag-inom sang makahulubog nga ilimnon sa mga pampubliko nga lugar.