By: JoMaque | May 27, 2020

Iloilo City — Ginkumpirmar ni DILG Iloilo Provincial Director Teodora Sumagaysay nga may lima ka mga mayors sa probinsiya sang Iloilo nga padal-an sang show cause orders bangud sa ila kapaslawan nga malab-ut ang 80% nga compliance sa pagpanagtag sang Social Amelioration sa gintalana nga deadline sang Mayo 10.

Lakip diri suno kay Sumagaysay ang mga mayors sang Oton, Tigbauan, Tubungan, Alimodian kag Leon.

May 48 oras ang mga alkalde agud magpasa sang written explanation “under oath” kun ngaa wala nila nakumpleto ang pagpanghatag sang subsidy antes nagtakop ang deadline.

Suno kay Sumagaysay, ang mga show cause orders ginpasa kay Governor Arthur Defensor Jr nga amo naman ang magahatag sini sa mga alkalde.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply