Locally-stranded individual, dapat magkuha sang travel authority agud makabiyahe pabalik sa ila lugar — PRO 6

By: JoMaque | May 26, 2020

Iloilo — Kinahanglan nga magkuha sang travel authority antes makabiyahe pabalik sa ila lugar ang locally stranded individual (LSI).

Suno kay Lt. Colonel Adrian Acollador Jr., Chief Regional Operations Management Division sang Police Regional Office 6, dapat nga mag-report sa barangay ukon LGU ang LSI kag magkuha sang medical certificate.

Ang Municipal Health Officer suno sa iya ang ma-issue sang medical certificate.

I-endorso sang LGU sa Regional Inter-Agency Task Force ang request sang LSI.

Kun na-endorso na sa RIATF, ma-coordinate sila sa task force kun taga-diin ang LSI agud mapahibalo sila nga may mapauli nga strandees.

Ma-request ang RIATF sa Police Regional Office 6 nga hatagan sang travel authority ang LSI agud makapauli sa ila lugar.

Paathag ni Acollador nga kun diin ang point of origin sang LSI, didto man siya makuha sang travel authority.

Sa may mga salakyan nga mapauli sa iban nga lugar, dapat magkuha sang medical certificate ang driver, isumiter ang kopya sang OR-CR kag plate number.

Kasubong man nga pagsulundan ang ginapatuman sa mga OFWs.

Ginapanindugan ni Acollador nga kinahanglan ang travel authority sa mga checkpoint. | via PM Reports