Mayor sang Pototan, nakibot sa pag-abot sang isa ka pamilya nga taga-Caloocan City nga wala sang Certificate of Acceptance halin sa banwa

By: JoMaque | May 26, 2020

Pototan, Iloilo – Nakibot si Pototan Mayor Rafael Enrique Lazaro kon paano nakapauli ang 10 ka taga-Caloocan City nga may pamilya sa Barangay Cahaguikican bisan pa nga wala sang na-issue nga certificate of acceptance ang iya opisina.

Gin-mandu na ni Lazaro kay Municipal Administrator Atty. Robert Parcon kag Municipal Public Employment Service Office Head Mendoza ang pagpanguna sa imbistigasyon agud indi na masulit ang kasubong nga insidenti.

Mayo 20 nag-abot sa Pototan ang pamilya halin sa Caloocan agud magtambong sa lubong sang ila tatay sa Cahaguichican.

Ginpaidalum ang mga nagpauli sa mandatory 14-day quarantine sang banwa agud mapasigurado nga hilway sila sa COVID-19