By: JoMaque | May 26, 2020

Iloilo City – Indi pa final nga mabalik ang byahe sang mga fast crafts kag RoRo vessels halin Iloilo pa-Bacolod City kag vice versa sa Hunyo 1.

Suno kay Bacolod City Vice Mayor El Cid Familiaran, nagahulat pa sila sang bag-o nga memorandum circular halin sa National Inter-Agency Task Force sa pagpaidalom sa mga lugar sa Modified General Community Quarantine (MGCQ).

Ginapanan-aw ni Familiaran nga ipaidalom sa MGCQ ang Western Visayas gani ginahulat pa ang guidelines sa pagbyahe sang amo nga transportasyon.

Mabalik na kuntani ang byahe sang mga fast crafts kag RoRo vessel sa amo nga ruta sang Mayo 18 sang ginpaidalom sa General Community Quarantine (GCQ) ang Western Visayas pero nag-apelar si Negros Occidental Governor Bong Lacson sa MARINA 6 nga isulon sa Hunyo 1. | Via PM Reports

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply