Suspension sa pagsuksok sang life jackets sang mga pasahero sang pumpboats halin Iloilo pa-Guimaras and vice versa, gin-extend sang MARINA 6
By: JoMaque | May 26, 2020
Guimaras — Suspendido sa gihapon ang pagsuksok sang life jacket sang mga pasahero sang pumpboat nga naga-biyahe Guimaras-Iloilo and vice versa.
Suno kay Maritime Industry Authority ukon MARINA 6 Director Venancio Vero, i-require sa mga pasahero ang pagsuksok sang life jacket kun madula na ang public health emergency sa Western Visayas bangud sa pamahog sang coronavirus disease ukon COVID-19.
Yara lang sa tupad sang pasahero ang life jacket suno kay Vero nga isuksok gilayon kun may aksidente sa dagat.
Ginpahanumdom naman ni Guimaras Vice Governor John Edward Gando sa mga Guimarasnon nga tumanon ang health protocol kasubong sang pag-obserbar sang physical distancing kag pagsuksok sang face masks.