By: JoMaque | May 27, 2020

Ginhimo ni DSWD Secretary Rolando Bautista ang pagpasiguro nga makabaton sang second tranche sang social amelioration ang mga taga-probinsiya sang Iloilo sa ila pag-istoryahanay ni Iloilo Governor Arthur Defensor Jr paagi sa Laging Handa Network Briefing kaina sang aga.

Ginpalab-ut sang gobernador kay Bautista ang panawagan nga kuntani mabuligan gihapon sang national government ang mga yara sa GCQ areas, “Sana matutulungan pa rin po ng national government ‘yong mga probinsiya tulad ng Iloilo kahit nasa GCQ kami kasi maraming sectors na nandiyan pa rin ang epekto ng community quarantine.”

Ginsabat naman ini sang tiglikom paagi sa paghambal nga, “Nais kong ipaalam sa inyo Gov na kasama pa rin ang Iloilo sa mga probinsiya na tuluy-tuloy ang pagbibigay ng SAP for the second tranche.”

Ginpahayag ni Bautista nga lakip sa mahatagan ang mga waitlisted ukon leftout ukon ang mga eligible nga makabaton kuntani sa first tranche pero wala nahatagan bangud sang kakulang sang pondo.

Ginpaathag naman ni Bautista kun ngaa ang 2015 kag indi ang 2019 nga listahan sang mga pigado ang ginbasehan sa pagpanagtag sang subsidy.

Suno sa tiglikom wala naggamit ang 2019 nga listahan bangud wala ini natapos bangud man sang COVID-19.

Hunyo kuntani ini matapos pero wala nahingagaw. Ini ang rason kun ngaa ang 2015 nga listahan ang ginhatag nila sa mga LGUs.

Pero ini suno sa iya dapat nga ginbasehan lang kuntani sang mga LGUs. Ginhatagan man suno sa iya sang poder ang LGUs nga magdeterminar sang matuud-tuod nga kwalipikado para magbaton sang ayuda.

Nagpanugyan si Bautista sa mga LGUs nga padasigon ang ila liquidation report para mabaton na nila ang second tranche.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply