By: JoMaque | May 27, 2020
Iloilo — Nadakpan ang negosyante kag iya abyan nga nagapalusot sang 20 ka karton sang makahulubog nga ilimnon sa checkpoint sa Brgy. Natividad Btac. Viejo las 5:00 kaina sang hapon.
Ginkilala ang nagkaladakpan nga sanday Dante Carugda, 42-anyos may negosyo nga kalan-an kag ang Abyan niya nga si Erwin Cabrajosia, 47-anyos lunsay residente sang Brgy. Merced Banate.
Suno kay Police Captain Kenn Albert Lepsia, hepe sang Btac. Viejo Police Station, nakabaton sila sang impormasyon nga may pick-up nga malabay nga may karga sang makahulubog nga ilimnon rasun nga gin-inform niya ang iya mga personnel.
Sa panaysayon sang nadakpan sa Barotac Viejo niya ginbakal ang ilimnon nga nagabalor P2,000.00 kada karton.
Gina-validate pa sang Barotac Police ang ginabaklan sang duha ka nadakpan.