By: JoMaque | May 29, 2020

Manila — Gina-finalize na sang Department of Education (DepEd) ang mga alternatibo nga paagi sa pagtudlo sa pagbukas sang klase sa pihak sang COVID-19 pandemic.

Ginpresentar ini ni Education Secretary Leonor Briones sa address to the nation ni Presidente Rodrigo Duterte kagab-i, Mayo 28.

Suno kay Briones, komporme siya sa presidente nga indi pa safe ang physical classes samtang wala sang bakuna ang COVID-19, rason nga ipatuman sang ahensya ang distance learning modalities.

Una suno sa iya ang printed ukon digital modules nga ipadala sa balay sang estudyante ukon kuhaon sang mga ginikanan sa designated areas. Sa sini nga paagi, maga-coordinate ang DepEd sa mga barangay kag LGUs.

Ginaproponer man ang online learning platforms. Mahimo diri makagamit ang mga estudyante sang DepEd Commons, ang online learning resource sang ahensya nga may seven (7) million subscribers.

Isa pa ka alternatibo suno sa tiglikum ang TV ukon radio-based instruction kun wala sang access sa internet ukon wala sang computers ang estudyante kag manunudlo.

Nagapati naman ang presidente nga may workable program ang DepEd kag ginpabutyag nga suportado niya ang ginasuhestyun sang ahensya. | via RTVM

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply