By: JoMaque | May 28, 2020

San Joaquin, Iloilo — Nakuhaan sang 103 boxes sang makahulubog nga ilimnon ang driver sang brewery company sa checkpoint sa Barangay Tapikan subong nga hapon (Mayo 28).

Suno kay Lt. Randy Lambungan, hepe sang San Joaquin Police Station, ang driver sang closed van amo si Aaron Bearnesa, 36 anyos sang Barotac Nuevo.

Halin sa Iloilo City, ma-deliver kuntani si Bearnesa sang ilimnon sa San Jose de Buenavista sa Antique apang nadakpan sa checkpoint.

Driver si Bearnesa sang Ginebra San Miguel Inc.

Sa pagpati sang mga personnel sang nasambit nga kumpaniya nga nagkadto sa police station, mahimo na sila makabyahe karga ang ilimnon pakadto sa Antique.

Ginadumilian sa gihapon sa syudad kag probinsya sang Iloilo ang pagbakal, pagbaligya, kag pag-transport sang makahulubog nga ilimnon.

Ginadumilian man ang pag-inom sa pampubliko nga lugar.

Preso sa San Joaquin Police Station ang driver kag natalana pasakaan sang kaso.

Ang Barangay Tapikan ang pinaka-una nga barangay sa San Joaquin halin sa Miagao.

Ginakuhaan pa sang Aksyon Radyo Iloilo sang pahayag ang driver.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply