By: JoMaque | May 28, 2020

Iloilo City — Dayon ang enrollment sa mga pampubliko nga eskwelahan sa Hunyo 1 tubtub 30 subong nga tuig. Ini ang ginpahibalo ni Department of Education 6 spokesperson Dr. Lea Belleza pero wala nagakahulugan nga physically present man ang mga bata ilabe na sa mga lugar nga wala pa na-lift ang community quarantine.

Sa iban nga mga eskwelahan nga may dako nga populasyon, pwede makapa-enroll online ang mga ginikanan.

Sa mga eskwelahan naman nga may low severity risk kag wala sang COVID cases, pwede man makakadto ang mga ginikanan pero dapat mag-obserbar sang physical distancing kag pagsuksok sang face mask.

Mahimo man nga ibilin sa security guard ang enrollment form, i-pick up sang ginikanan kag i-fill out.

Ginpaathag ni Belleza nga naka-pre registration na ang DepEd sang Pebrero kag Marso pero bangud sang COVID-19 threat, may mga estudyante nga nag-transfer ukon nag-migrate gani ila gina-validate kun ma-eskwela gid man sila. | via AM Reports

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply