By: JoMaque | May 28, 2020

ILOILO CITY – Gina-preparar na sang Land Transportation Office (LTO) 6 ang show cause order nga iga-serbe kay Harjinder Gil, ang Indian national nga nakabunggo patay sa frontliner nga si Henry Jun Jardio sang Bolilao, Manduriao.

Ini ang ginkumpirmar ni LTO 6 Director Eric Lenard Tabaldo.

Ginpakuha na ni Tabaldo ang kopya sang police blotter kag investigation report sa Manduriao Police Station may kaangtanan sa insidente agud basehan sa pag-serbe sang show cause order.

Domingo sang gab-i, Mayo 24, una nga nabungu-an sang salakyan nga ginamaneho ni Gil ang motorsiklo ni Jardio sa Atria antes nabunggu-an sa Carpenter’s Bridge ang isa pa ka motorsiklo sakay ang tatlo ka call center agents nga sanday Bonn Seann Sanz, Jane Ricaforte kag John Chasmer Tupas.

Wala natabangan si Jardio, samtang padayon nga ginabulong ang tatlo pa ka biktima.

Una na ginpabutyag ni PSSg sang Mandurriao Police Station nga base sa iya pagpangusisa, naka-inom ang Indian national sang natabu ang insidente.

IGA-CANCEL ANG INVESTOR’S VISA

Suno naman kay Mayor Jerry Treñas, tan-awon niya ang mga grounds sa pag-cancel sa investor’s visa ni Gil nga negosyante sa siyudad.

Ginpahayag sang alkalde nga naglapas sa curfew kag anti-drunk driving, kag nakahimo pa sang homicide kag attempted homicide ang Indian national.

Mayo 26, nakapiyansa sang P90,000 si Gil sa kaso nga reckless imprudence resulting to homicide and damage to property.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply