By: JoMaque | May 28, 2020

Iloilo City (UPDATE)– Ginpasakaan sang sampaw sampaw nga mga kaso ang kapitan sang Barangay Tacas, Jaro angut sa distribution sang Social Amelioration Program subsidy.

Suno sa CIDG6, paglapas sa Anti Graft and Corrupt Practices Act kag Bayanihan To Heal As One Act ang ginpasaka kay Takcs, Jaro Punong Barangay Joseph Poral.

Ginpasakaan man sang administratibo nga kaso si Poral sa Ombudsman sa ginreklamo paglapas sa Code of Conduct and Ethical Standards for Public Officials.

Sa interview sang Aksyon Radyo Iloilo sa tagreklamo nga si Nory Julleza, ginpa-fill out siya sang SAC form apang nakibot sang ginhambalan nga wala nalakip sa mga beneficiaries bangud na-cancel ang iya application sang DSWD.

Sa imbestigasyon sang CIDG-Iloilo, wala gin-cancel sang DSWD ang application ni Julleza apang ginpahayag ginmanduan sang punong barangay ang ila barangay secretary kag barangay treasurer nga i-cancel ang application sang tagreklamo.

Una na nagdepensa si Poral nga ang DSWD ang nag-cancel sa application ni Julleza apang liwat nga ginpahibalo nga makabaton sang benepisyo bangud sang updated guidelines sang DSWD.

Ginatinguhaan pa sang Aksyon Radyo Iloilo nga makuhaan sang pahayag si Poral sa pagpasaka sa iya sang kaso ni Julleza.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply