Tanod commander nga nagdul-ong sang pasyente sa sentro gamit ang barangay patrol, gindakop sang traffic aide sa Mandurriao
By: JoMaque | May 28, 2020
Iloilo City — Gindakop sang TMTRO law enforcer ang tanod commander sa pagdrive sang barangay patrol (tricycle) sa Diversion Road, Mandurriao pasado las dos kahapon sang hapon, Mayo 27.
Suno kay Nabitasan, Lapaz Tanod Commander Manuel Castillanes Jr., pakadto sila sa City Proper para magpa-inject kay nakagat sang tutoy ang 1 year old nga lapsag.
Halin siya kag ang mag-iloy sa Animal Bite Center sa Western Visayas Medical Center apang wala sang available nga supply rason makadto kuntani sa sentro malapit sa city hall.
Ini ang labing una nga kahigayunan nga gindakop siya sa pagdrive sang barangay patrol sa Diversion Road, Mandurriao.
Suno naman sa iloy nga si Mrs. Ann Paguinaguina, ginsita lang sila una sang duha ka law enforcers apang pagkaulihi ginpapondo kag gin-issuehan citation ticket sang law enforcer.
Pakadto sila sa service road sang ginpapondo kag gin-isseuhan citation ticket sang law enforcer.
Nag-apelar pa si Paguinaguina apang ginhambalan siya sang law enforcer nga ireklamo lang.
Ginakuhaan pa sang pahayag si PSTMO head Jeck Conlu angut sini.
Ginakabig nga Traffic Discipline Zone ang bug-os nga Diversion Road.