By: JoMaque | May 29, 2020

Iloilo City — 27 lang sa 256 Local Government Unit-identified nga mga quarantine facilities sa Western Visayas ang nakapasar sa mga requirements suno sa Department of Health 6.

Suno kay Dr. Renilyn Reyes sang DOH6, ginadiskusyunan pa sang ila mga personnel ang pag-certify sa mga nakapasar sa requirements sa pagtukod sang Temporary Treatment and Monitoring Facilities ukon LIGTAS COVID Center.

Ini ang base man sa Joint Administrative Order No. 2020-0001 sang DOH kag DILG.

Sa 256 nga identified quarantine facilities, 75 lang may self assessment halin sa LGU rason amo lang man ang gin-evaluate sang DOH6.

Ginpahibalo ang mga LGU suno kay Dr. Reyes nga kinahanglan nila mag-self assess sa ila quarantine facilities base sa guidelines sang DOH kag DILG kag isumiter ini sa DOH6.

Maseguro lang nga nasunod ang mga protocol sa mga quarantine facilities kun na-certify sila sang DOH6.

Ano ang distribution?

Iloilo Province – 55 identified quarantine facilities, 10 ang na-evaluate, kag 4 ang nakapasar

Iloilo City – 7 identified quarantine facilities, 2 ang na-evaluate, kag wala sang may nakapasar

Guimaras- 6 identified quarantine facilities, 6 ang na-evaluate, kag 3 ang nakapasar

Antique – 25 identified quarantine facilities, 21 ang na-evaluate, kag 10 ang nakapasar

Aklan- 17 identified quarantine facilities, 9 ang na-evaluate, kag 4 ang nakapasar

Bacolod City – 1 identified quarantine facility, wala na-evaluate kag nakapasar

Negros Occidental – 44 identified quarantine facilities, 10 ang na-evaluate, kag 4 ang nakapasar

Capiz – 101 identified quarantine facilities, 7 ang na-evaluate, kag 4 ang nakapasar.

Ano ang requirements?

Base sa Annex D sang JAO sang DOH kag DILG, may mga requirements sa infrastructure, accommodation, kag supplies kag iban pa nga resources sa pagtukod sang quarantine facility.

Lakip sa mga requirements sa infrastructure ang internet connection, hand washing facilities, nagakaigo nga room ventilation, proper signage, storage sang cleaning ukon disinfection equipment, touch free bins para sa waste disposal kag contaminated bins, supply room, laundry area, kag bathroom nga may toilet kag sink.

Sa accommodation naman, kinahanglan may visitor kag staff logbook, essential furnitures, 1 meter nga separation sa mga pasyente (dapat may kurtina ukon divider sa tunga).

Kun isa lang ang naga-okupar sa kwarto,i-prioritize ang mga pasyente nga may mga kondisyon.

Dapat may seperado man nga kwarto para sa health care worker.

May mga quarantine facilities na nga ginagamit sang mga LGUs bisan wala pa na-certify sang DOH6.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply