By: JoMaque | May 29, 2020

Iloilo City — Buksan na sang probinsya sang Iloilo ang borders sa iban nga probinsya sa Panay kun mangin pinal na ang rekomendasyon sang national Inter-Agency Task Force nga ipa-idalum ang bilog nga isla sa Modified General Community Quarantine pagkatapos sang Mayo 31, 2020.

Suno kay Gov. Arthur Defensor, Jr., ini ang na-istoryahan nila sang mga gobernador sa Panay.

Base sa IATF Resolution No. 40 nga napetsahan Mayo 27, masaylo sa MGCQ ang Iloilo Province kag iban pa nga areas sa Western Visayas, magluwas sa Iloilo City nga ipabilin sa General Community Quarantine (GCQ).

Ginahulat na lang sang gobernador ang approval ni Presidente Rodrigo Duterte sa rekomendasyon sang IATF agud makapaguwa man siya sang Executive Order sa mga pagsulundan sa MGCQ.

ANO ANG MATABU SA MGCQ?

Tanan ang pwede na makaguwa sa ila balay sa idalum sang MGCQ. Nagakahulugan, suno kay Gov. Defensor, nga pwede na makaguwa bisan ang mga senior citizens kag menor-de-edad nga una ginadumilian sa GCQ.

Pasugtan naman ang public gathering, pareho sang church services, pero 50% lang sang capacity ang pwede makatambung.

Luyag naman ipabilin ni Defensor ang border checkpoints agud may maga-check kag magsigurado nga taga-Panay lang ang nagasulod.

Samtang, wala pa ma-finalize ang pagbalik sang biyahe sang mga fast crafts kag RORO vessels halin Iloilo pa-Negros vice versa. Suno kay Defensor, luyag sang gobernador sang Negros nga amat-amaton lang ang pag-resume sang mga biyahe. | via Firingline

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply