Driver’s license sang Indian national nga nakabunggo-patay sa frontliner sa Mandurriao, gin-suspend sang LTO 6

By: JoMaque | May 29, 2020

Iloilo City—Gin-suspend sang Land Transportation Office 6 ang driver’s license sang Indian national nga nakabunggo patay sa frontliner sa Mandurriao sang Mayo 24 sang gab-i.

Suno kay LTO 6 Assistant Regional Director Atty. Gaudioso Geduspan, gin-serve kahapon ang show cause order batok kay Harjinder Gil kag suspended ang iya lisensya sang tatlo ka bulan.

Dugang diri, kun indi satisfactory ang sabat ni Gil sa show cause order may posibilidad nga permanente nga i-revoke ang iya lisensya.

May lima ka adlaw si Gil agud sabton ang show cause order sang LTO 6.