By: JoMaque | June 1, 2020

Iloilo City — Indi pa magbaton sang mga pasahero halin sa iban nga probinsya sa Western Visayas ang Bacolod City magluwas lang sa mga locally stranded individuals kag mga returning OFWs sugod subong, Hunyo 1, 2020.

Suno kay Maritime Industry Authority ukon MARINA 6 Director Jose Venancio Vero, mahulat pa ang Bacolod LGU kun may pagbag-o sa quarantine classification ilabe na sa Iloilo City kag Iloilo province antes magdesisyon kun pasugtan ukon indi ang biyahe sang mga passenger vessels.

Bisan ang mga fastcraft operators suno sa iya ang indi man mag-operate kun indi pa magpasulod ang Bacolod.

Ginapanugyan ni Vero sa mga LSIs nga tumandok sang Bacolod City nga magsakay na lang sa RoRo.

Ipakita lang sang mga local strandees ang ila travel authority, medical certificate kag certification halin sa receiving LGU nga magapamatuod nga residente sila sang amo nga lugar. 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply