By: JoMaque | June 1, 2020

Iloilo City — Nagapabilin ang panindugan sang Alliance of Concerned Teachers ukon ACT nga dapat mag-conduct sang targeted mass testing antes ang pagbukas sang klase sa Agosto 24 subong nga tuig.  

Suno kay ACT representative France Castro, isa sa mga ginplastar nila nga requirements sa pagbukas ang klase ang mass testing sa mga manunudlo.

Vulnerable sector ang mga teachers bangud madamo man sa ila ang may ginasuprer nga balatian, may mga senior citizens, mga nagabusong, mga symptomatic kag asymptomatic conditions matapos na-expose sa positive COVID-19 cases.

Ginpahayag ni Castro nga dapat unahon sang gobyerno ang mass testing, contact tracing kag isolation ilabe na sa mga lugar nga high risk sa coronavirus.

Nagakahangawa suno sa iya ang mga ginikanan nga pa-eskwelahon ang ila kabataan bangud indi makita ang extent sang COVID-19.

Base sa data sang ACT, masobra 900,000 ang mga manunudlo sa public schools kag 200,000 sa private schools. 

Ginabanta sa one-third tubtub one-fourth sa amo nga numero ang may balatian ukon vulnerable suno kay Castro.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply