Panibag-o nga kaso sang COVID-19, na-record sa Igbaras, Iloilo
By: Aine Grace Bravo
ILOILO, June 1, 2020 — Nadugangan sang isa ka kaso ang Iloilo province.
Ginkumpirmar ni Dr. Jessie Glen Alonsabe, regional epidemiologist ng DOH Western Visayas, nga nagpositibo sa COVID-19 ang 55 anyos nga lalaki halin sa Igbaras, Iloilo, kag naka-home quarantine sa subong.
Nagahimo na sang contact tracing ang mga otoridad kag ginahibalo kun paano na-infect si WV 114.
Ang Iloilo province, may 21 ka COVID-19 cases na, isa ang naka-admit, isa ang naka-home quarantine, 15 ang naka-recover kag apat ang napatay.
Sa kabug-usan, ang Western Visayas may 114 COVID-19 cases, 23 diri ang active cases, 81 na ang naka-recover kag 10 ang napatay. | via DOH 6