COVID-19 cases sa bug-os nga pungsod, malapit na 19,000

By: Aine Grace Bravo

MANILA, June 2, 2020 —  Malapit na 19,000 ang COVID-19 cases sa bug-os nga pungsod.

Base sa las-kuwatro subong nga hapon nga bulletin sang DOH, 359 ka bag-o nga kaso ang gin-report subong nga adlaw –176 diri ang fresh cases kag 183 ang late cases.

Sa kabug-usan, may 18,997 na ka COVID-19 cases sa Pilipinas.

Gin-anunsyar sang DOH nga 84 ang nadugang sa recoveries, rason nga naglab-ut na ang total recoveries sa 4,063.

Anum naman ang nadugang sa napatay (966 total deaths). | via DOH