DSWD 6, nagahulat sang specific guidelines para sa 2nd tranche sang SAP subsidy distribution sa Western Visayas

By: JoMaque | June, 2, 2020

Iloilo City — Nagahulat pa sang specific guidelines ang Department of Social Welfare and Development (DSWD) Region 6 para sa implementasyon sang 2nd tranche sang Social Amelioration Program.

Suno kay DSWD 6 Spokesperson May Rago-Castillo, nabutang sa guidelines kun ano nga mga areas ang ma-cover sang SAP distribution kag kun sin-o nga mga beneficiaries ang dapat makabaton.

Sa subong, suno kay Castillo, padayon sila nga nagahulat sang kompleto nga liquidation reports sang mga local government units sa 1st tranche sang SAP.

Sa amo nga report, nabutang ang masterlist sang mga nahatagan nga beneficiaries kag ini ang iga-validate sang DSWD agud masiguro nga wala sang duplication.

Usisaon man sang ahensya nga wala sang beneficiaries nga nakabaton sang doble nga cash aid.

Sa Region 6, 84 sa 133 pa lang ka mga LGUs ang naka-submit sang liquidation report sa SAP subsidy distribution.

Gin-athag ni Castillo nga kun wala sang liquidation report, indi pa maka-release sang pondo para sa 2nd tranche sang SAP.| via AM Reports